825 Бардыгы /

ОШ. Ишкерлер сатып берген «Тез жардам» автоунаалары аймактагы бир нкатар ооруканага бөлүнүп берилди. Бул туурасында аталган медициналык мекеменин директору Байыш Маматов кабарлады.

Байыш Маматов кошумчалагандай, айтымында «Тез жардам» автоунаалары Кореядан ьашылып келинген. Буларды кайсы ооруканаларга бөлүштүрүүнү ишкерлер өздөрү сунуш этишти.

• Ош облустук ооруканасынын кабыл алуу бөлүмүнө, Ош облустук

оорукананын төрөт стационарына, Түштүктөгү кургак учукка каршы күрөш борборуна, Ош облус аралык онкология борборуна, Кара-Суу райондук үй-бүлөлүк медицина борборуна жана Нариман аймактык ооруканасына бирден «Тез жардам» автоунаасы берилди, – деп кошумчалады Ош облустук «Тез жардам» медициналык мекемесинин директору Байыш Маматов.

Таажы илдети башталгандан бери Ош облусунда жогорудагы алты автоунааны кошпогондо жалпысынан 18 «Тез жардам» машинеси элдин жана  ишкерлердин демилгеси менен ооруканаларга сатылып берилген. COVID-19 вирусу Кыргызстанда алгачкы жолу 2020-жылдын 18-мартында үч адамдан табылган.

Таажы илдетине каршы күрөшүүчү Ыкчам Штабдын акыркы маалыматына караганда, бул дартка чалдыккандар 81 656 адамга жетти. Алардын 77 170си айыгып, 1361 бейтап каза тапты.

Алишер ТОКСОНБАЕВ “АЙМАК”