816 Бардыгы /

12-январда Казакстандын Борбордук шайлоо компаниясы (БШК) парламенттик шайлоонун жыйынтыктоочу корутундусун жарыялады. Ага ылайык, мажилиске «Нур Отан», «Ак жол» жана Казакстандын калк партиясы (КХП) өттү.

БШКнын билдиришинче, «Нур Отан» – 76 мандат, «Ак жол» – 12, Казакстандын калк партиясы – 10 мандатка ээ болду.

«Нур Отан» партиясы 71,09% (5 миллион 148 миң 74 киши), «Ак жол» – 10,95 % (792 828 киши), Казакстандын калк партиясы– 9,10 % (659 019 киши) добуш топтогон. Дагы эки партия жети пайыздык чектен өтө алган эмес. «Ауыл» партиясы – 5,29% , (383 023 добуш), «Адал» – 3,57% (258 618 добуш) алган.

Акыркы жыйынтык баштапкысынан көп деле айырмаланган жок.

Казакстанда 10-январда өткөн парламенттик шайлоого шайлоочулардын 63,3% катышкан. БШКнын маалыматы боюнча шайлоодо 7 миллион 241 миң 562 киши добуш берди.

WWW