810 Бардыгы /

Базар-Коргон РИИБдин алдында Арстанбап аймагынан түшкөн 50дөй адам турушат. Алар 14-январда ур-токмокко кабылган Абдувахап Базарбай уулунун ишин милиция акыйкат иликтеп берүүсүн талап кылышууда, деп билдирет аймактык кабарчы.

Ички иштер бөлүмүнүн алдында тургандардын бири Муродбектин айтымында, жыйналган эл менен ички иштер бөлүмүнүн башчысы жолукту.

«Соттук-медициналык экспертизанын жыйынтыгы чыккандан кийин бир жыйынтык болорун айтты. Бирок ал жерде тургандар токмоктогондор мыйзам чегинде жазасын алышы керектигин айтып жатышат», – деди ал.

Буга чейин Жалал-Абад ОИИБдин басма сөз кызматы токмоктон улам ооруканага жеткирилген 31 жаштагы тургундун иши боюнча иш жүрүп жатканын билдирген.

«Базар-Коргон РИИБге 31 жаштагы жаран арыз менен кайрылган. Анда ал көк бөрү оюнунда 3 жаран шериктери менен уруп койгонун жазган. Жаран аймактык оорукананын сыныктар бөлүмүнө жаткырылган.

Бул окуя Кылмыштардын жана жоруктардын бирдиктүү реестрине Жазык кодексинин 266-беренесинин негизинде катталып, сотко чейинки өндүрүш ачылып, тиешелүү экспертизалар дайындалган. Жыйынтык менен мыйзамдуу чечимдер кабыл алынат», – деп билдирди басма сөз кызматы.

WWW