819 Бардыгы /

ОШ. Кара-Кулжа районунда милиция кызматкерлерине ок чыгаргандар ушул тапта абдан катуу изделип жатат. Бул тууралуу Ош облустук ички иштер башкармалыгынан билдиришти.

Анткени, Кара-Кулжа райондук милициясынын кызматкери автоунаасында отурганда бейтааныш киши күтүүүсүздөн кол салып, айнектин сыртынан ок чыгарган. Инспектордун эки далысынын ортосуна чачма октор тийген. Окуя болгон жерге ыкчам-тергөө тобу жаоо жетип барган. Райондук милициянын тергөөчүсү автоунаадан түшкөндө аны дагы бирөө далыга аткылаган. Кызматкер табелдик куралы менен шектүүгө ок чыгарганганда ал дароо изин жашырууга үлгүргөн. Жараланган милиционерлер аймактык ооруканага жеткирилген.

Бул факты Кылмыштардын жана Жоруктардын бирдиктүү реестрине катталган. Ички иштер кызматкерлерине куралдуу кол салуунун бетин ачуу максатында Кара-Кулжа районуна «Перехват» операциясы киргизилип, Ак-Кыя айылына жана Кара-Кулжа айылына атайын бекеттер коюлду. Ушул тапта шектүүлөрдү аныктап, кармоо боюнча ыкчам иштер жүргүзүлүп жатат.

Алишер ТОКСОНБАЕВ “АЙМАК”