1,371 Бардыгы /

   ОШ. Ош шаарына караштуу Ак-Тилек кичи шаарчасында №81 “Балапан” балдар бакчасынын ачылып, пайдаланууга тапышрылды. 100 орундуу балдар бакчасынын ачылыш аземине Ош шаарынын мэри Таалайбек Сарыбашов, мекеме-ишканалардын жетекчилери, шаар тургундары катышты.

Адегенде калаа башчысы Таалайбек Сарыбашов жергиликтүү бюджеттен келечек муундар үчүн ыңгайлуу шарттарды түзүү максатында беш балдар бакчасынын курулушу башталып, үчүнчүсү моминтип колдонууга берилип жаткандыгын баса белгиледи:  – Келечек ээлери үчүн ак кызмат кылып, алардын билими үчүн, аң-сезимин жогорулатуу үчүн щаманбап шарттарды жаратуу – биздин негизги вазийпабыз. Буюрса, былтыр жергиликтүү бюджеттен 2 жаңы бала бакчаны, 500 орундуу мектептин кошумча имаратын шаардыктардын колдонуусуна бергенбиз. Эми мынтип жыл башында эле жаңы балдар бакчасын тапшырып олтурабыз. Атына заты жарашкан “Балапан” балдар бакчасынан тарбияланган ар бир бала мекен, эл үчүн кызмат кылган, жигердүү инсан болуп калыптанышына тилектешмин!

Баса, Ак-Тилек кичи районуна курулган 100 орундуу бала бакча эки кабаттан турат. Жылытуу үчүн өзүнчө отказаны жана баардык шарттары менен курулган. Курулуш иштерин Мираж ЖЧКсы жүргүзгөн. Ош шаарында ушул таптьа жергиликтүү бюджеттин эсебинен дагы эки балдар бакчасы курулуп жатат. Жакынкы аралыкта алар дагы пайдаланууга тапшырылат.

WWW