12,633 Бардыгы /

ОШ. Кыргызстандын Түштүк Башкалаасындагы Ош борбордук «Имам аль-Бухари Алай» мечитинде Ош шаардык мусулмандар казыятынын кызматкерлери, Дин иштери боюнча мамлекеттик комиссиянын Түштүк аймактык бөлүмүнүн (ДИМК ТАБ) өкүлдөрү укук коргоо органдары менен биргеликте атайын жыйын өткөрүп, мечиттерди мамлекеттик каттоодон өткөрүү иштерин кеңири талкуулашты.

Маалыматка караганда, аталган иш-чаранын алкагында Ош шаарындагы 80 мечиттин баары тең мамлекеттик каттоодон өткөн. Ишкана, мекеме же болбосо, жекече объектилерде жайгашкан 8 намазкананы дагы, мечит катары каттоодон өткөрүү боюнча сөз жүрдү.

• Ош шаарындагы жалпы мечиттер дээрлик мамлекеттик каттоодон

өтүшкөн. Ар кандай объектилерде жайгашкан 8 намазкананы дагы, мечит катары каттоодон өткөргөн болсок, Ош шаардык мусулмандар казыятынын ишмердүүлүгү башкалар үчүн үлгү болот, — деди ДИМК ТАБнын жетекчиси Исакбай Мурзабеков.

Соңку тапта Кыргызстандагы бардык мечиттерди мамлекеттик каттоодон өткөрүү иштерин дагыле улантылууда.

Алишер ТОКСОНБАЕВ “АЙМАК”