1,338 Бардыгы /

Тажикстан парламентинин Тартип, коргонуу жана коопсуздук комитетинин башчысы Рустам Шомурод аскерде кызмат өтөөдөн баш тарткандар үчүн мамлекеттик пошлина (алым) киргизүүнү сунуштады.

 EMBED SHARE

В Таджикистане могут разрешить платить госпошлину вместо службы в армии

“Аскерде кызмат өтөө” мыйзамына сунушталган өзгөртүүлөр парламенттин сайтына жарыяланды. Документте алым киргизүү өлкөнүн мобилизациялык резервин көбөйтүү үчүн зарыл экени белгиленген. Ошол эле маалда анда алым төлөө тартиби, суммасы көрсөтүлгөн эмес. Мыйзам чыгаруучулар муну өкмөт аныкташы керек деп эсептешет.

Армияга барууну каалабагандар негизинен депутаттардын бул сунушун колдоп жатышат.

“Жарандык эркиндик кеңсеси” уюмунун укук коргоочусу Дилрабо Самадова бул норма киргизилсе, аскерде колу жука калктын аярлуу катмары гана кызмат өтөп калышы ыктымал деп кооптонууда.

“Жарандарды эркек болгону үчүн, армияда кызмат өтөбөгөнү үчүн салык булагына айлантуу туура эмес. Бул армиядан качууну легалдаштыруу, армияны дискриминациялоо дегенге жатат”, – деди ал.

Укук коргоочу эгер мыйзам долбоорун иштеп чыгууга жарандык коом өкүлдөрү, укук коргоочулар катышпаса, бул өлкө бюджетин толтурууга гана арналган документ болуп калышы ыктымал деп эсептейт.

WWW