678 Бардыгы /

Согди облусунун укук коргоо органдары жапырт башаламандыктарды жана нааразылыктарды басуу ыкмаларын иштеп чыгышты. Тажикстан ИИМи кабарлагандай, тактикалык машыгуу 21-январда Хоженттеги аскер бөлүгүндө болгон.

Машыгуу учурунда шарттуу демонстранттар электр энергиясынын өчүрүлүшүнө каршы чыгышкан, милиция кызматкерлери нааразылыктын активдүү катышуучуларын кармап, калгандарына суу бүркүп, көздөн жаш агызуучу газ чачып таркатышкан.

ИИМдин билдирүүсүндө бир жумага созулган машыгуу коомдук тартипти камсыздоого, жашоочулардын өмүрүн коргоого, митинг учурунда коомдук жана мамлекеттик мүлктөрдү сактоого багытталганы айтылат.

Тажикстанда 20 жылга жакын убакыттан бери октябрдан апрелдин ортосуна чейин жарандарга электр энергиясын берүүдө чектөөлөр болуп келген. 2017-жылы алгачкы жолу кышкысын чектөө киргизилген эмес. Анда «Барки точик» компаниясы кичи ГЭСтер жана ЖЭБдер курулганын, бул электр энергиясын үнөмдөбөй пайдаланууга мүмкүндүк берерин билдирген. 2020-жылдын аягынан бери электр энегриясына кайрадан чектөө киргизилди.

Тажикстанда мыйзам боюнча тынч нааразылык акцияларын өткөрүүгө болот, бирок бул үчүн бийликтин уруксатын алуу керек.

WWW