642 Бардыгы /

Тажикстандын бийлиги жалпы гигиеналык эрежелерди сактабаган мечиттер жабыларын эскертти. Өлкөдө мечиттер 1-февралдан тартып иштей баштайт.

Бул арада Тажикстандын мечиттеринде жамаат менен намаз окууга кызуу даярдыктар көрүлө баштады: алар антисептиктерди, беткаптарды жана термометрлерди сатып алышууда.

Эпидемиологдор мусулмандарды жеке жана коомдук гигиенаны, ошондой эле аралыкты сактоого, өзгөчө жума намаз учурунда сөзсүз түрдө беткап тагынып жүрүүгө чакырган.

Тажикстанда мечиттер былтыр март айында эки аптага ишин токтотуп, 18-апрелден тартып толугу менен карантинге жабылган. Бийлик жарандарды үйдө намаз окууга чакырган. Өлкөдө 4 миңден ашуун мечит каттоодон өткөн.

Тажикстандын Саламаттык сактоо министрлиги соңку 15 күндөн бери өлкөдө коронавирус жуктурган учур каттала элек экенин билдирүүдө. 26-январда тажик президенти Эмомали Рахмон парламентке кайрылып жатып, өлкө вирусту толугу менен жеңгенин жарыялаган.

WWW