690 Бардыгы /

ДУШАНБЕ. Тажикстанда диний кастыкты козутуу айыбы менен былтыр бир жылга соттолгон журналист Далер Шарифов эркиндикке бошотулду. Ошентип, калемгердин саламатчылыгы жакшы, азыр ал Вахдат шаарындагы үйүндө.

Журналист Далер Шарифов 2020-жылы январдын аягында кармалган эле. Апрелде Душанбенин Шохмансур райондук соту аны бир жылга жалпы режимдеги колонияга кескен. Ал китебинде Тажикстанда тыюу салынган уюмдардын идеологиясы тууралуу жазган деп айыпталып, «Улут, раса жана диний кыстыкты козутуу» беренеси боюнча күнөөлүү деп табылган. Ал эми  Тажикстандын Башкы прокуратурасы Шарифов өлкөдө 2006-жылдан бери тыюу салынган «Мусулман агайындар» кыймылынын атынан «үгүт жүргүзүп» келгенин жар салган. Бирок, журналист сотто өзүнө тагылган бардык айыптоолорду четке каккан.

Тажикстандын журналисттер коомчулугу менен бейөкмөт уюмдардын өкүлдөрү Далер Шарифов бийликти сындаганы үчүн гана жазалангандыгын билдиришкен. Укук коргоочулардын айтымында, ал адам укуктары жана дин темаларын чагылдырып, бийликтин бул тармактардагы саясатын үзгүлтүксүз сындап жазып келген.

Алишер ТОКСОНБАЕВ “АЙМАК”