1,047 Бардыгы /

ЖАЛАЛ-АБАД. Мамлекеттик Чекара кызматына караштуу Ала-Бука Чекара отрядынын чек арачылары чекара  бекети аркылуу мыйзамсыз айдалып бараткан ири мүйүздүү малдарды жана жылкыларды кармашты. Буларды жалспысынан эсептегенде 570 миң сомду чапчыды.

Мындан тышкары Жалал-Абал облусунун Ала-Бука районундагы Моңол тилкесинде Кыргыз чекарачылары 1971-жылы туулган Кыргыз жараны В. К.ны аңдып жүрүп колго түшүрүштү. Бул адам Өзбекстанга бир нече ири  буканы Кыргыз чекарасын айланып айдап бараткан экен. Ушул эле күнү 1960-жылы туулган П. Ж. Өзбекстанга чабылган атты минип баратканда тузакка илинди. Аталган эки фактынын негизинде тиешелүү документтер толтурулуп, бардыгы тең укук коргоо органдарына мындан ары териштирүү үчүн өткөрүлүп берилди.

Ошентип, 2020-жылдын 31-декабрынан үстүбүздөгү жылдын 1-январына карата Кыргыз чекарачылары тарабынан малдарды  мыйзамсыз айдап бараткан он бир факты катталды. Мунун аркасында 160 ири мүйүздүү мал, ошондой эле жылкылар кармалды.

Баса, Кыргыз Өкмөтүнүн №569-токтомуна ылайык айыл чарба товарларын, мунун ичинде ири мүйүздүү малдарды, ошондой эле жылкыларды ЕврАзия Экономикалык Биримдигине мүчө өлкөлөрдөн тышкары жактарга ташууга таптакыр тыюу салынган. Ошондуктан[11] , бул өңүттө калк арасында түшүндүрүү жараяны күчөтүлдү.

Алишер ТОКСОНБАЕВ “АЙМАК”