1,095 Бардыгы /

БАТКЕН. Баткен облусунун жалпы жонунан он айылы инвесторлордун, жергиликтүү бийликтин жана калктын аракети аркасында  ичилүүчү таза суу менен камсыз болушту. Булар 2020-жылы Баткен районунун Ак-Татыр Айыл Өкмөтүнүн Аэропорт участкасына  Андиген таза суу линиясынан  беш чакырым аралыктан таза суу тартылды.  Бул максатта жергиликтүү бюджеттин эсебинен 240 000 сом жана  “Ас-Сафа” Коомдук бирикмеси тарабынан 710 000 сом сарптадлы.

Баткен шаарынын Токтогул-Олуя конушуна «Кувейт Ас-Сафа коомдук фонду» тарабынан үч чакырым аралыкка таза суу түтүктөрү тартылды. Долбоордун жалпы суммасы 1,5 миллион сомду түздү. Мунун ичинен аталган Фонд тарабынан 1,4 миллион сом, ал эми жергиликтүү бюджет тарабынан бир миллион сом ажыратылды.

Кадамжай районунда Апсамат Масалиев Айыл Өкмөтүнүн Лесхоз айылына Ассалям Эл аралык коомдук фондусунан  8100 метр аралыкка таза суу түтүгү тартылып, 1,5 миллион сом жумшалып, акырында пайдаланууга тапшырылды.

Бирлик Айыл Өкмөтүнүн Сур айылына 1200 метр аралыкка таза суу түтүгү тартылып, Ассава коомдук фондунан 1,5 миллион сом, жергиликтүү бюджеттен 250 миң сом, коомчулуктан  2,75 миллион сом, жалпы жонунан 4,5 миллион сом жумшалып, пайдаланууга тапшырылды. Мындан тышкары Абдыкадыр Орозбеков атындагы Айыл Өкмөтүнүн Кудук айылына 1400 метр аралыкка Куфейт коомдук фондунан 146 миң сом, ошондой эле райондук мамлекеттик акимчиликтен 30 миң сом, Айыл Өкмөттүн эсебинен 15 миң сом, коомчулуктан  176  миң сом, жалпысына 367 миң сом каржыланып, ичилүүчү суу чыгарылды. Кыргыз-Кыштак Айыл Өкмөтү Ассалям Эл аралык кайрымдуулук фондусунана 3 миллион сом каржыланып, таза суу тартылды. Алга Айыл Өкмөтү KOIKO уюму тарабынан долбоордук наркы 2,59 миллион сом жумшалып, таза суу түтүгү пайдаланууга берилди. Мындан тышкары Марказ Айыл Өкмөтүндө KOIKO уюму тарабынан 4,8 чакырым  аралыкка таза суу тартылып, долбоордук наркы 2,54 миллион сом жумшалып, бу дагы пайдаланууга берилди. Буга улай 2021-жылдын январь айында Майдан Айыл Өкмөтүнүн Бак айылына  “Абийир” коомдук кайрымдуулук фонду 350 миң сом каржылык колдоо көрсөтүп, Майдан Айыл Өкмөтү суу чыгаруу үчүн зарыл болгон трансформатор, он эки жогорку чыңалуудагы мамычаларды, электр зымдарын сатып алууга жергиликтүү бюджеттин эсебинен каражат ажыратты. Ал эми айыл эли  1000 литр суу кампасынын курулуш иштерин өздөрү колго алышты.

Ушул тапта Исфана шаарынын Ак-Булак айылынын таза суу системасы реабилитацияланып, калкка таза суу берилүүдө. Долбоор 2019-жылы Ас-Сафа өнүктүрүү Фонду тарабынан колдоо таап, элдин жана жергиликтүү органдардын салымы менен жалпы суммасы 4 миллион 900 миң сомдук жумуштар аткарылды. Суу системасынын жалпы узундугу жети чакырымды түзөт.

Алишер ТОКСОНБАЕВ “АЙМАК”