669 Бардыгы /

Ташкентте жашап, The Guardian, Al Jazeera, The Diplomat жана Eurasianet басылмалары үчүн макалаларды жазган польшалык журналист Агнешка Пикулицка Өзбекстандын Тышкы иштер министрлигинин (ТИМ) кызматкери ага ыдык көрсөткөнүн айтып чыкты.

Бул тууралуу ал «Твиттердеги» баракчасына жазды.

Журналисттин айтымында, мындан тышкары өзбек ТИМи анын аккредитация берүү тууралуу арызына мыйзамда каралган эки айлык мөөнөттө эмес, алты айдан кийин жооп берген. Мекеме анын арызда көрсөтүлгөн басылмалардан башка ЖМКларда да иштегенин жүйө келтирип, аккредитация берүүдөн баш тарткан.

Азырынча өзбек ТИМи польшалык журналисттин бул билдирүүсү боюнча комментарий бере элек.

WWW