990 Бардыгы /

ОШ. Ушул тапта Ноокат райондук ооруканасында таажы илдетинен жана пневмониядан он төрт адам дарыланууда. Бул жөнүндө Ноокат райондук ооруканасынын директору Асамидин Марипов ачыктады.

• Дарыланып жатышкан бейтаптардын баарынын тең өнөкөт

оорулары бар болгондуктан, аларды бул абалдан чыгаруу абдан кыйгша турууда. Айрыкча кант диабети менен жүрөк оорусу бар адамдарды дарылоо көпкө созулат. Ооругандардын саны 20-25ке жетип, кайра азайып турат, – деп кошумчалады Ноокат райондук ооруканасынын директору Асамидин Марипов.

Асамидин Марипов сөз арасында социалдык тармакта «Асамидин Марипов таажы илдетинин маалында дарыгерлерге форманы соодалап, маянасынан кармап калган» деген маалыматка дагы жооп кайтарды.

• Иш кылганыңды көрө алышпай, жөн эле отуруп алышып,

бекерчиликте интрига таратышат экен. Эгер форма сатканым чын болсо,  далилдешсин! Далилдей алышпаса, алар дагымыйзам алдында жооп берүүгө тийиш! Ал эми оорукананын кызыл зонасына кирген дарыгерлерге күн сайын атайын кол коюп, эсептеп, атайын форма киргизип жаттык. Ал эми үй-бүлөлүк дарыгерлер тобунда, ФАПтарда сатып алыштыбы-жокпу ага жооп бербейм! – деди Ноокат райондук ооруканасынын директору Асамидин Марипов.

Баса, Асамидин Марипов – премьер-министр Улукбек Мариповдун атасы. Бир кезде Жогорку Кеңештин депутаты дагы болгон.