882 Бардыгы /

Жыл башынан ушул күнгө чейин Сузак райондук Өзгөчө кырдаалдар бөлүмүнүн  өрт өчүрүү жана алдын алуу бөлүмү районубуздун  аймагындагы мамлекеттик өзгөчө мааниге ээ обьектилеринде, социалдык жана өнөр-жай ишканаларында, жеке менчик мекеме-уюмдарында жана атуулдардын турак үйлөрүндө өрт кырсыктарын, анын ичинде адам өлүмү, жарат алуусу менен коштолгон өрт кырсыктарын болтурбоо жана алдын алуу максатында өрткө каршы профилактикалык иш-чараларды жүргүзүп келет.      Бул тууралуу Сузак  райондук ӨКБнүн ӨӨжААБнүн улук офицери капитан А. Иманов билдирди.

Ал эми, жыл башынан турак-жай секторунда көп катталуучу өрт кырсыктарын алдын алуу максатында өздүк курам тарабынан районубуздун аймагындагы  турак үйлөрдүн  ээлерине жалпы ушул күнгө чейин 340  атуулдун катышуусунда турак-жай секторундагы өрт коопсуздук чаралары жөнүндө түшүндүрүү иштери жүргүзүлдү.

Аткарылган иш-чараларга карабастан ушул күнгө чейин район аймагында 7 өрт кырсыгы катталып, өрттөн келтирилген материалдык зыян 220 мин 620  сомдон ашты.

Өрттүн кесепетинен  1 тонна тоют күйгөн. Өрт өчүрүүчүлөрдүн ыкчам аракеттеринен улам   2,5 мил сомдон ашуун материалдык баалуулуктар сакталып калынган.

            Өрткө каршы кызматы тарабынан массалык-маалымат каражаттары аркылуу от жагуу мезгилиндеги өрт коопсуздук чаралары боюнча  калкка  түшүндүрүү иштерин жүргүзгөнүнө карабастан, электр жылытуу приборлорун, мештерди колдонууда эрежелердин бузулушунан улам турак жайларда катталган өрт кырсыктарынан, түтүнгө, газга уулануудан адамдардын, атүгүл бүтүндөй бир үй-бүлө мүчөлөрүнүн өмүрлөрү кыйылууда.  Өрт өчүрүү жана алдын алуу бөлүмү тарабынан турак-жай секторунда тыгыз иштерди алып баруу менен бирге өрт кырсыктарын алдын алуу максатында күнүмдүк турмушта жөнөкөй болгон өрт коопсуздук эрежелерин сактоону эскертет.

“АЙМАК”