888 Бардыгы /

БИШКЕК. Баткен облусундагы Төрт-Гүл суу сактагычы, анын башкы суу буруучу жерин стратегиялык объектилерге киргизүү боюнча иш башталды. Бул жөнүндө премьер-министр Улукбек Марипов өзүнүн видео Кайрылуусунда ачыктады.

• Баткен районунун Ак-Сай айылынын тургундары мени жакшы

түшүнүп турушат. Сөз Ак-Сай айылындагы башкы суу бөлүштүрүү тосмосунун 500-600 метр жогору болгон кошуна өлкөгө тиешелүү Кайырма каналы тууралуу гана болгон. Ак-Суу дарыясы жөнүндө эле айткам. Бирок, тилекке каршы, кээ бир саясий күчтөр муну туура эмес нукка бурууга аракет кылышы толук ыктымал. Дал ушул маселени келечекте биздин өлкөнүн кызыкчылыгына чечиле тургандай, мыйзамдын чегинде гана чечүүбүз зарыл! Төрт-Гүл суу сактагычы, анын башкы суу буруучу жерин стратегиялык объектилерге киргизүү боюнча иш башталды. Муну биз Президентке жана Коопсуздук кеңешинин катчылыгына жакынкы күндөрү сунуштайбыз! – деди Кыргыз Өкмөтүнүн башчысы Улукбек Марипов.

Улукбек Марипов кошумчалагандай, коңшу Тажикстан менен ынтымакта жашап, бардык маселелер дипломатиялык жол менен гана чечилиши керек.  Белгилей кетсек, Төрт-Гүл суу сактагычынын көлөмү 90 миллион кубду түзөт. Ал Баткен облусунун аймагында 1972-жылы курулган. Ушул тапта Төрт-Гүл суу сактагычы Баткен районундагы жана Баткен шаарындагы 11 миң гектардан ашуун айдоо жерин сугат суу менен камсыздайт. Аталган суу сактагыч Баткен облусу үчүн гана эмес, жалпы республика үчүн дагы стратегиялык мааниге ээ.

Алишер ТОКСОНБАЕВ “АЙМАК”