885 Бардыгы /

 ЖАЛАЛ-АБАД. Жалал-Абад облусунда өспүрүмдөр арасында профилактикалык иштер – кылмыштардын жана жоруктардын алдын алуу жараяны дагыле улантылууда.

Маалыматка караганда, Чаткал РИИБсынын жана райондук социалдык коргоо бөлүмүнүн кызматкерлери район аймагында өспүрүмдөргө карата зордук-зомбулуктун алдын алуу максатында профилактикалык иштерди күчөтүштү. Алар тоголок жетим балдар менен дагы маектешип, алардын көйгөйлүү маселелерин жеринде тыңдащып, талкуулашты. Ошондой эле кылмыштуулукту болтурбоо максатында мектеп окуучулары менен тынымсыз жолугушуулар өткөрүлүп, аларга терс көрүнүштөрдөн алыс болуу керектиги катуу эскертилүүдө.

Соңку тапта Ала-Бука жана Ноокен РИИБдеринин кызматкерлери милициянын көчмө кабылдама унаасы менен айыл аралашып, жергиликтүү тургундардын кайрылууларын жеринде эле кабыл алып жатышат. Чек арага жакын жайгашкан эле эли менен кездешүүлөр уюштурулуп, мал жандыктарына сак болуу керектиги эскертилди. Ошондой эле жашы жете элек балдарды туруктуу көзөмөлдөө жана аларга татыктуу тарбия берүү зарылдыгы дагы айтылды.

Алишер ТОКСОНБАЕВ “АЙМАК”