2,073 Бардыгы /

 ОШ. Кара-Суу районунун акими Тилекбек Матраимов өткөн жылдын 9-октябрында Кыргыз-Өзбек чекарасында мыйзамсыз кесип өтүп баратканда, Өзбекстандын чек арачылары тарабынан кармалган эле. Анын менен коңшу өлкөгө кире качууга аракеттенишкен  Зиябиддинбек Кочкорбаев жана Махсуд Ахмедов дагы колго түшүп, дароо Мекенине – Кыргызстанга кайтарылган.

         Ошентип, Улуттук Мамлекеттик коопсуздук комитетинин (УКМКнын) тергөө башкармалыгы булардын үстүнөн Кылмыш-Жаза Кодексинин 358-беренеси («Мамлекеттик чекараны мыйзамсыз кесип өтүү») боюнча кылмыш ишин козгоп, баарын тең тергөө абагына ошондо эле кийирген.

         Баса, Тилекбек Матраимов акыркы сегиз жыл бою Кыргызстандагы эң чоң Кара-Суу районунун жетектеген. Өткөнкү парламенттик шайлоого дейре ал саламатчылыгына байланыштуу отпускеге кетип жаткандыгын жар салган. Айтмакчы, Тилекбек Матраимов – Жогорку Кеңештин мурунку депутаты Искендер Матраимовдун жана  и Мамлекеттик Бажы кызматынын төрагасынын орун басары Райымбек Матраимовдун бир тууганы.

Алишер ТОКСОНБАЕВ “АЙМАК”