1,041 Бардыгы /

ЖАЛАЛ-АБАД. Чаткал районундагы таш кулоо коркунучу жок кылынып жатат. Бул жөнүндө Өзгөчө кырдаалдар министрлигинин басма сөз кызматынан билдиришти.

Маалыматка караганда, Жалал-Абад облусунун Чаткал районуна караштуу Терек-Сай кыштагындагы аска тоонун боорунан жарака пайда болуп, болжол менен көлөмү 15-20 куб метр аска таштары катарынан урап түшүү коркунучу жаралган. Ошондуктан, Чаткал райондук өзгөчө кырдаалдар бөлүмү, кен казуучу фирманын кызматкерлери жана райондук ички иштер бөлүмүнүн кызматкерлери кооптуу аймакка барышкты. Ошентип, кооптуу делген таштарды кол каражаттары менен майдалап-майдалап түшүрүү иш-чарасы жүргүзүлүп, коркунуч жок кылынды. Ташты кулатуу милдети Терек-Сай Айыл Өкмөтүнүн аймагында жайланышкан кен казуучу фирмага милдеттендирилди.

Эскерте кетээрибиз: буга дейре Чаткал районуна караштуу Терек-Сай айылынын тургундары аймакта кооптуулук жаралып жаткандыгы боюнча интернет булактарына зар какшап маалымдашкан.

Алишер ТОКТОСУНОВ “АЙМАК”