1,659 Бардыгы /

БАТКЕН.Лейлек райондук мамлекеттик акимчилигинин маалыматына караганда, ушул тапта райондо күйүүчү майдын жалпы кору 808 миң 410 литрди түздү. Анын 589 миң 060 литри – солярка, 41 миң 750 литри – Аи-80, 170 миң 600 литр – Аи- 92, 7 мин литри – Аи-95 маркасындагы бензин. Акыркы эки күн ичинде Исфана шаарындагы күйүүчү май тартыштыгы орун алган май куйуучу жайларга, күйүүчү май жеткирилип, тартыштык жөнгө салынды.

Ушул тапта Исфана шаарындагы май куйуучу жайларда  кезек күткөн унаалар жок, бензин 45 сом 50 тыйындан сатылууда. Белгилей кетсек, бул күндөрү соляркага муктаждык болгон жок, дээрлик бардык май куйуучу жайларда солярка жетиштүү болду, жазгы талаа жумуштарына кедергеси тийген жок.  Тартыштык негизинен Аи-92 маркадагы бензинге болгон.

Белгилей кетчү жагдай: күйүүчү майдын тартыштыгына Бишкек шаарынан базадан аз өлчөмдө чыгуусу себеп болсо, баасынын жогорулоосуна Орусия мамлекетинде, жалпы эле дүйнөлүк рынокто жогорулагандыгы себеп болууда.

Алишер ТОКСОНБАЕВ “АЙМАК”