1,737 Бардыгы /

НЬЮ-ЙОРК. АКШнын Мамлекеттик департаменти Камчыбек Көлбаевдин кармалышына, же соттолушуна алып келген маалымат үчүн жана аталган кримтөбөлдүн кылмыштуу уюмунун каржылык механизмдеринин бузулушуна алып келген маалымат үчүн сыйлыктын беш миллион долларга чейин көбөйтүлгөндүгүн жарыялады.

2000-жылы Камчыбек Көлбаев өзүнүн бир кездеги криминалдык башчысын өлтүрүүгө аракет кылгандыгы жана дагы эки кишини өлтүргөндүгү үчүн соттолгон. Ушул кылмыштары үчүн Көлбаев 25 жылга кесилген, бирок, алты жыл камакта отургандан кийин ал түрмөдөн качып кеткен. 2007-жылы АКШнын Мамлекеттик департаменти Көлбаевди өлкөдөгү “Эң таасирдүү кылмыштуу топтун лидери” деп сыпраттага. Ал эми 2008-жылы 23-апрелде Көлбаевге Орусиянын уюшкан кылмыштуу топтордун лидерлери Москвада мыйзамдуу ууру катары “таажы” кийгизилген. 

2011-жылдын июнь айында мурунку Президент Барак Обаманын администрациясы Көлбаевди Чет өлкөлүк маңзаттардын сатуучулары тууралуу мыйзамына ылайык, ири чет элдик маңзаттарды мыйзамсыз жүгүртүүчү деп тапкан. 2012-жылы АКШнын Каржы министрлиги Көлбаевди “Братва” (Brothers ’Circle) кылмыш синдикатынын мүчөсү деп тааныган. 2013-жылы ал Кыргыз Республикасында акчаны опузалап алууу, адам уурдоо, курал-жарак жана баңги кылмыштары сыяктуу бир нече кылмыштар боюнча айыпталып, бирок опузалап пара талап кылгандыгы үчүн үч жылга эркинен ажыратылган. 2017-жылы Каржы министрлиги Көлбаевди мыйзамдагы уурулардын атынан иш алып барган деп аныктаган. Анын акыркы кармалышы 2020-жылдын октябрь айында Кыргыз Республикасынын Бишкек шаарында кылмыштуу уюмду түзүү жана ага катышуу беренеси боюнча айыпталган.

Аталган сыйлык АКШнын Мамлекеттик департаментинин Трансулуттук уюшкан кылмыштуулукка каршы күрөшүү Программасынын (TOCRP) алкагында сунушталат. 1986-жылы маңзаттар боюнча маалымат үчүн сыйлоо программасы (NRP) түзүлгөндөн бери 75тен ашуун трансулуттук кылмышкерлер жана маңзаттарды мыйзамсыз жүгүртүүчүлөр TOCRP NRP долбоору боюнча сот жообуна тартылган. Мамлекеттик департамент камакка алууга алып келген маалымат үчүн 130 миллион доллардан ашуун сыйлык дагы төлөгөн.

Эл аралык маңзаттар жана укук коргоо иштери боюнча бюросу (INL) TOCRPди Маңзаттарды мыйзамсыз жүгүртүүгө каршы күрөшүү башкармалыгы (DEA), Федералдык Тергөө Бюросу (FBI), АКШнын Иммиграция жана Бажы Кызматкерлеринин Ички Коопсуздук Тергөөлөрү (ICE/HSI) жана АКШнын башка мамлекеттик мекемелери менен тыгыз кызматташтыкта башкарат. Бул иш-чаралар АКШнын Мамлекеттик департаментинин Американын жана Эл аралык укук коргоо органдарынын аракеттерин жана маңзаттардын мыйзамсыз жүгүртүлүшүнө жана трансулуттук уюшкан кылмыштуулукка каршы күрөшүү боюнча Өкмөттүн мамилесин колдоого умтулгандыгын даңазалайт.

Бардык маалыматтар WhatsApp, Telegram жана Signal аркылуу билдирүүлөрдү кабыл ала турган +1 202-643-0383 номуру аркылуу DEA жана OFACка билдирилиши керек. Жарандар жакынкы АКШ элчилигине же консулдугуна, же Kolbayev_Tips@usdoj.gov  электрондук дареги аркылуу кайрылса болот. Маалымат берген бардык адамдарга толук купуялуулук менен мамиле камсыздалат.Жогоруда аталган адам жана TOCRP жанаNRP жөнүндө көбүрөөк маалымат алуу үчүн https://www.state.gov/b Bureau-of-international-narcotics-and-law-enecution-affairs/inl-rewards-program/ баракчасын көрүңүз.

Алишер ТОКСОНБАЕВ “АЙМАК”