816 Бардыгы /

ОШ. Абдан көп суммадагы акча алып, элди алдады деп күнөөлөнгөн аял түрмөдөн 2017-жылдын аягында качып кеткен эле. Орусиянын Башкы Прокуратурасы Кыргыз тараптан түшкөн суранычтан улам Ош щаарындагы абактан качып кеткен аялды кайра Кыргызстанга кайтарды.

Маалыматка караганда, Ош шаардык соту З. А. аттуу аялды 2015-жылдын декабрында алдамчылык кылгандыгы үчүн эркинен ажыраткан. Кийинчерээк ал жазасын өтөбөй из жашырып кеткен. Баса, айыпталып жаткан аялдын 2014-2015-жылдары өзүнүн өнөктөштөрү менен төрт адамдын ишенимине дароо кирип, ар кыл жол менен алдап акча жана мүлктөрүнө дагы ээлик кылганы ырасталды. Бирок, 2017-жылдын 25-январында З. А. Оштогу № 42 түзөтүү абагынан качып кеткен эле.

Айыпкер аялдын кайда жүргөндүгү биротоло такталгандан кийин Кыргызстандын Башкы прокуратурасы Орусиядагы кесиптештерине күнөөлүүнү кайтарып берүү туурасында өтүнүп, расмий кат жөнөткөн. Атайын кайтаруунун коштоосунда кылмышкер аял Кыргызстанга кайтарылды.

Алишер ТОКСОНБАЕВ “АЙМАК”