1,584 Бардыгы /

ОШ. Кыргызстандын Түштүк башкалаасында Нооруз майрамынын урматына ат оюндары өткөрүлөт. Бул тууралуу Жаштар иштери, дене тарбия жана спорт боюнча мамлекеттик агенттигинен кабарлашты.

Маалыматка караганда, улуттук ат оюндары 16-марттан 21-мартка чейин өткөрүлмөкчү. Маселен, көк бөрү, эр эңиш, салбуурун жана ат чабыштын түрлөрү боюнча мелдештер кызуу маанайда жүрөт. Оюндар республиканын бардык аймактарында спорттун Улуттук түрлөрүн өнүктүрүү, IV Дүйнөлүк Көчмөндөр Оюндарына даярдык көрүү жана мыкты командаларды, спортчуларды тандоо максатында гана өткөрүлүп жатат.

Иш-чараларды  Спорттун Улуттук турлөрү боюнча дирекциясы, Кыргыз Республикасынын көк бөрү, аргымак, салбуурун, эр эңиш федерациялары уюштуруп жатышат. Ат оюндары Ош шаарындагы «Төлөйкөн» ат майданында өтмөкчү.

Алишер ТОКСОНБАЕВ “АЙМАК”