894 Бардыгы /

БИШКЕК. АКШнын Мамлекеттик департаменти 2020-жылдагы Кыргыз Республикасынын Адам укуктары боюнча жылдык баяндамасын жарыялады. Бул жылкы баяндамада Кыргыз өкмөтүнүн адам укуктарын коргоодогу аракеттеринин солгундоосу күч экендиги баса белгиленди.

АШНын олуттуу тынчсыздануунун багыттарына төмөнкүлөр кирди:

• БУУнун бошотуу тууралуу талабына карабастан, белгилүү саясий туткун Азимжан Аскаровдун сырдуу өлүмү;
• Кыргыз Республикасынын өлкөдөн чыгарып бербөө милдеттенмелерине карабастан, Өзбек журналистин орун алышы мүмкүн болгон кыйноосу жана андан кийинки экстрадицияланышы;
• Чектен чыккан Улутчул топтордун жарандык коомго жазасыз кол салуулары;
• Коопсуздук кызматтары тарабынан жарандык коомду жана маалымат каражаттарын ачык кысымга алуу жана коопсуздук кызматтары тарабынан кыйноолордун колдонулгандыгы үчүн жоопкерчиликтин жоктугу.

Ошентип, Америка Кошмо Штаттарынын Өкмөтү Кыргыз Республикасынын Өкмөтүн “Адам укуктары боюнча отчеттунда” баяндалган окуяларды терең иликтөөгө жана ушул көйгөйлөрдү чечүү үчүн натыйжалуу чукул чараларды көрүүгө чакырат.

         АКШнын Мамлекеттик департаменти 2020-жылдагы Кыргыз Республикасынын Адам укуктары боюнча жылдык отчеттун жарыкка чыккандыгын белгилеп жатып, АКШнын элчиси Дональд Лу жаңы Кыргыз Өкмөтү терс тенденцияны жоюу үчүн чара көрөт деп үмүттөөрүн дагы билдирди: – Кыргыз Республикасы эмне себептен Борбор Азиядагы эң демократиялык өлкө катары белгилүү болгонун көрсөтө турган мезгил келди. Биз, Президент Садыр Жапаров баштаган жаңы бийлик адам укуктарын коргоодо жана адам укуктарын тебелегендерди жоопкерчиликке тартууда күч-аракеттерин эки эсе көбөйтүү үчүн, жарандык коомду, укук коргоо органдарын, адам укугун коргоочу уюмдарды жана сот тутумун бириктирет деп бекем үмүттөнөбүз!

         АКШнын Мамлекеттик департаментин Адам укуктарынын абалы боюнча баяндамалары адам укуктарынын жана жумушчулардын укуктарынын макамын эки жүзгө жакын өлкөлөрдө жана аймактарда каттайт. Баяндамалар АКШнын мыйзамдары менен талап кылынат жана ар кандай мекемелер, АКШнын Конгресси, аткаруучу бийлик жана сот бутактары бул баяндамаларды көмөк көрсөтүүдөн баштап башпаанек берүү маселелер боюнча чечим чыгарууда фактылык ресурс катары абдан катуу колдонушат.

WWW