1,890 Бардыгы /

     БАТКЕН. Баткен облусунда Кыргыз Республикасынын Коргоо министрлигинин “Коопсуздук-2021” жана “Калыптоо-2021”   Биргелешкен командалык-штабдык жана мобилизациялык машыгуусу жүрүп жатат. Бул аскердик машыгууга Кыргыз Өкмөтүнүн Баткен облусундагы ыйгарым укуктуу өкүлү Өмүрбек Субаналиев, өлкөнүн Коргоо министри генерал- майор Таалайбек Өмүралиев жана тийиштүү бардык органдардын кызматкерлери катышышууда.  

• Мындай окутуулар Сиздердин кесиптик дараметиңиздерди

жогорулатууда чоң тажрыйба болот деп терең ишенем!  Учурдан пайдаланып аскер кызматкерлеринин өз милдеттерин ак ниеттүүлүк менен аткарып жаткандыгын сыймыктануу менен белгилеймин! Сиздердин күжүрмөн аракетиңиздер менен элибиз тынч жана бейпил  жашоодо күн кечирип келатат. Биз тышкы ар кандай коркунучтардан коргой алган ишенимдүү күчүбүз, кубаттуу армиябыз бар экендигине бекем ишенебиз. Өнүгүү үчүн Кыргызстанда биринчи кезекте тынчтык, коопсуздук жана туруктуулук керек! – деп баса белгиледи Кыргыз Өкмөтүнүн Баткен облусундагы ыйгарым укуктуу өкүлү Өмүрбек Субаналиев.

Айтмакчы, асердик машыгуунун биринчи  этабында аймактын мамлекеттик башкаруу органдары аскердик жана өзгөчө абал шарттарында тапшырмаларды аткарышат. А кийинки этаптарда аскердик машыгуу, өзгөчө кырдаал учурундагы элдерди эвакуациялоо, ички иштер органдарынын Баткендеги стратегиялык обьект Төрт-Гүл суу сактагычын кайтаруу аракеттери катуу жүрөт.

Бул аскердикт-тактикалык машыгууга эки миңге чукул адамдар, жүзгө жакын автомобилдер, брондолгон жана атайын техникалар, артиллериялык системалар, авиациялык техникалар тартылууда. Машыгуунун алкагында аймаккаөзгөчө абал жана аскердик акыбал киргизилип, дал мына ушул шартта аскердик жана мамлекеттик органдар  күжүрмөн аракеттерин чындап көрсөтүшүүдө.

         Баса, аскерлик машыгуунун негизги катышуучулары – аскер кызматкерлери, мамлекеттик кызматкерлер, УКМК, ӨКМ, милиция жана саламаттыкты сактоо кызматкерлери. 

Алишер ТОКСОНБАЕВ