1,809 Бардыгы /

Өкмөттүн Жалал-Абад облусундагы ыйгарым укуктуу өкүлүнүн кичи футбол боюнча өтмө кубогу өттү. Ага облустун 8 район, 4 шаар жана мекеме ишканалардын кызматкерлеринен куралган жалпы 16 команда катышты.

Анын байге фонду 100 миң сомду түзүп демөөрчүлөр тарабынан каржыланган.

Оюндун ачылуу бөлүгүнөдө сөз сүйлөгөн облус башчысы Абсаттар Сыргабаев жалпы катышуучуларга ийгилик каалап, мындай сааламыктар мындан ары да байма-бай улантылып тураарын белгиледи. Спорттук мелдештердин өткөрүүнүн максаты кылмыштуулук жана ар түрдүү терс көрүнүштөрдүн алдын алуу, жаштарды спортту сүйүүгө, достук жана сергек жашоого үндөө болуп саналаарын айтты.

Жыйынтыгында биринчи орунга коюлган кубок жана 35 миң акча каражатына Тогуз-Торо районунан келген команда ээ болду. Ал эми экинчи орунду Жалал-Абад областтык ички иштер башкармалыгы 25 миң сом, үчүнчү орунду Жалал-Абад шаарынын мэриясы 15 миң сом, төртүнчүлүктү Ала-Бука районунун командасы багындырып, 10 миң сом акча каражаты тапшырылды.

Мындан сырткары мелдештин алдыңкы оюнчусу, чабуулчу, жарым коргоочу жана мыкты көрүүчүлөрүнө диплом жана акчалай сыйлыктар ыйгарылды.

Байканбек САДЫКОВ “АЙМАК”