1,428 Бардыгы /

ОШ. Кыргызстандын Түштүк башкалаасында өлкөбүздүн Ички иштер министрлигине караштуу Тергөө кызматынын кесиптик майрамы белгиленди.

Салтанаттын жүрүшүнлө Ош облустук ички иштер башкармалыгында тергөө кызматынын 58 жылдыгына карата 150 кызматкер Ички иштер министрлигинин «Азамат-1, 2, 3», «Кыргыз милициясына 95 жыл» медалдары жана Ардак Грамоталары менен сыйланышты. Ошондой эле айрымдарына кезектеги аскердик наамдар ыйгарылды. Сыйлыктарды Ош облустук Ички иштер башкармалыгынын жетекчиси, милициянын полковниги Жеӊишбек Абитов тапшырды.

Көп жылдар бою тергөө кызматын жетектеген милициянын отставкадагы полковниги Кемербек Бердибаевге башкармалыктын атынан ок атуучу курал белекке тартууланды. Тергөө кызматынан тышкары милициянын участкалык кызматкерлери, жашы жете электер менен иш алып баруучу инспекторлор, милициянын кайгуул күзөт кызматынын он жылдан ашуун кызмат өтөшкөн кызматкерлери дагы сыйланышты. Кезектеги милициянын полковниги наамы Бекмырза Доороновго,  ао эми милициянын подполковниги наамы Кылымбек Касымбаевге ыйгарылды.

WWW