894 Бардыгы /

БАТКЕН. Кыргызстандын Тажикстандагы жана Өзбекстандагы  атайын жана ыйгарым укуктуу Элчилери Жаныш Рустенбеков менен Ибрагим Жунусов Тажикстан жана Өзбекстан республикалары менен чектеш жайланышкан Баткен облусунун жетекчилиги менен ар дайым тыгыз кызматташтыкта иш жүрүгүзүп келатышат.

Бул туурасында Кыргыз Өкмөтүнүн Баткен облусундагы ыйгарым укуктуу Өкүлү Өмүрбек Субаналиев позициясын ачыктап, буларды кошумчалады: – Кыргызстандын Тажикстандагы жана Өзбекстандагы  атайын жана ыйгарым укуктуу Элчилери Жаныш Рустенбеков менен Ибрагим Жунусовду экономикалык жана соодаөсатык байланыштарын өнүктүрүүдө иштеп жатышкан өлкө менен ар тараптуу кызматташуунун жолдорун көрө билген, анан дагы дасыккан адистер деп эсептейбиз. Булардын стратегиялык аймакта жайланышкан Баткен облусунун коопсуздугу, Чек ара маселелеринин алга жылышы жана кошуна мамлекеттин чектеш аймактары менен социалдык-экономикалык жактан өз ара кызматташуу, кошуналык жакын мамилесин бекемдөө жаатында жасаган дипломатиялык мамиле түзүүдөгү үзүрлүү эмгектерин абдан жогору баалайбыз! Күн алыс чек аралаш аймакта орун алган, түрдүү окуялардын чечилүүсүндө, сүйлөшүүлөрдүн жүрүшүндө, биздин Элчилерибиз Улуттук кызыкчылыктарды коргой алган, анан дагы Мекенчил адамдар экендигин айгинелеп келатышат. Ошондуктан, алардын кесиптик жөндөмүн, адистик тажрыйбасын жогору баалайбыз. Алар кошуна мамлекет менен биздин өлкөнүн ортосундагы көпүрө деп эсептейбиз! Анткени, бул адамдар Кыргызстандын чет мамлекеттердеги өкүлү гана эмес, өлкөбүздүн – нукура жүзү.

 Белгилей кетчү жагдай: Кыргыз Республикасынын Жогорку Кеңешинде Кыргызстандын Тажикстандагы элчиси Жаныш Рустенбековдун ишмердүүлүгү жаатында катуу сын-пикирлер айтылган.

Алишер ТОКСОНБАЕВ “АЙМАК”