981 Бардыгы /

  ОШ. Ош шаарынын мэри Таалайбек Сарыбашов Кыргызстандын Түштүк башкалаасындагы жолдорду оңдоп-түзөө жараянынын башталышынын алдында шаардык жолдор башкармалыгынын атайын техникаларынын даярдыгын текшерди.

Аталган иш-чаранын алкагында калаа башчысы Таалайбек Сарыбашов аталган ишкананын карамагында турган атайын жабдуулар менен дагы таанышып, Ош шаардык жолдор башкармалыгынаЖапониядан чыгарылган Hanta F45CJ асфальт төшөөчү жана австриялык MVH 306 компактор жаңы атайын техникаларын тапшырды. Мэр Ош шаардык жолдор башкармалыгынын жумушчулары менен дагы бетме-бет баарлашып, жол куруучунун эмгеги эң көп акы төлөнүүчү жумушка айланышы керектигин убадалады. Ош шаарында май айынан баштап планга киргизилген жолдор, ички жолдор асфальтталып, жаңы тротуарлар курулат. Ал эми жолдорду катарынан жамоо иштери 15-апрелден туруктуу башталат.

• Биринчиден, аткарылган иштин сапатына көңүл буруу абел! Аз иш

кылсак дагы ал сапаттуу аткарылсын. Экинчиден, ушул өңүттө биз жыл сайын жол тейлөө кызматтары үчүн жаңы атайын жабдууларды сатып алабыз. Үчүнчүдөн, ошондой эле башка коммуналдык кызматтардын атайын техникалар паркын жакшыртабыз. Жолдорубуздун абалы, чындыгында, абдан начар. Тургундар тарабынан айтылган сындар негизинен туура. Биз жетиштүү акча бөлүп жаткандан кийин тендерден уткан компаниялар сапаттуу курушун көзөмөлгө алгыла? Ар кандай жаман жасалган иш бизди кепке кемтик, сөзгө сөлтүк гана кылып жатат. Бирок, ириде, аткарылган иштин сапатына өзгөчө көңүл буруларын баса белгилеп кетким келет. Бул жол кызматтарынын ишинин негизги көрсөткүчү. Былтыр Аскар Шакиров көчөсүн, Мээркан айылына баруучу жолду, бир канча ички жолдорго жаңыдан асфальт төшөдүк. Быйыл да пландалган иштер ырааттуу улантылат, – деди Ош шаарынын мэри Таалайбек Сарыбашов.

         Мындан тышкары аталган иш-чаранын жүрүшүндө Ош калаасынын башчысы мэриянын алдындагы автогараждын балансына өткөрүлгөн автобустар менен дагы тыкыр таанышты.

Алишер ТОКСОНБАЕВ “АЙМАК”