912 Бардыгы /

БАТКЕН. Ички иштер министри Улан Ниязбеков Баткен облусуна жасаган иш сапарынын алкагында жергиликтүү милиция менен атайын жыйын курду. Ал буга дейре  коңшулаш Тажикстандын Согди облусунда Кыргызстан менен Тажикстандын ички иштер министри Рахимзода Рамазон Хамрон менен расмий жолугушкан эле.

• Шайлоого карата бардык мыйзам бузууларга, мунун ичинде добуш

сатып алуу фактыларына катуу бөгөт коюлсун! Эгерде добуш сатып алуулар аныкталса, мыйзам чегинде ыкчам жана катаал чаралар көрүлсүн? Шайлоо таза өтүшү керек, добуштарды атуу же сатып алуу деген болбошу кажет! Таза шайлоо – бул Кыргызстандын келечеги! Биз шайлоо жана референдумду өткөрүү учурунда коомдук тартипти жогорку деңгээлде өткөрүп, ар кандай тартип бузууларга жол бербегенибиз оң. Ички иштер органдары жергиликтүү шайлоо комиссиясы, жер-жерлердеги жергиликтүү бийлик органдары менен биргеликте түшүндүрүү иштерин жүргүзүп, укук бузууларга өз учурунда чаралар көрүүнү колго алгыла? Баарыңыздар татыктуу кыймыл-аракетиңиздер менен жарандар алдында натыйжалуу иш көрсөтүңүздөр? Бир дагы жаран тарабынан милицияга нааразычылыктар болбосун! – деди ички иштер министри Улан Ниязбеков.

Кыргыз Өкмөтүнүн мүчөсү Улан Ниязбеков ошондой эле мамлекеттин бүтүндүгүн бекем сактоодо, укук бузуулардын алдын алууда милиция кызматкерлеринин ишмердүүлүгүн өркүндөтүүгө, калктын милицияга болгон ишенимин азыркыдан дагы жогорулатууга милдеттүү экендигин баса белгилеп, ошол эле учурда коррупциялык көрүнүштөргө дагы жол бербөөнү өзгөчө талап кылды.

Алишер ТОКСОНБАЕВ “АЙМАК”