873 Бардыгы /

12-апрелде активисттер Казакстан бийлигинен жарандарды саясий көз карашы үчүн куугунтуктоону токтотууну талап кылышып, Европадагы коопсуздук жана кызматташтык уюмунун (ЕККУ) Нур-Султандагы имаратынын алдында акция өткөрүштү. Ага онго чукул киши катышты.

Активисттер “экстремисттик уюмдун ишине катышкан” деп айыпталып, камакка алынган Айнур Мырзалиева, Алия Жакупова менен Аскар Каирбектин сүрөтүн жана англис тилинде “саясий туткундарга боштондук” деген жазуусу бар плакаттарды кармап турушту.

Жарандык активист Марат Мусабаевдин билдиришинче, акция ЕККУнун төрагасы Анн Линденин Казакстанга жасаган сапарын утурлай өтүүдө. Нааразылыктын максаты – Казакстанда адам укуктарынын абалын сынга алган Европарламенттин резолюциясына казак бийлиги көңүл бөлбөй жатканын эске салуу.

Полиция акцияга уруксат берилбегенин айтып, активисттерди тарап кетүүгө чакырды.

ЕККУнун төрагасы, Швеция тышкы иштер министри Анн Линде Орто Азияга болгон сапары учурунда Казакстанга келген.

WWW.