969 Бардыгы /

НЬЮ-ЙОРК. Америка Кошмо Штаттары уюшкан кылмыштуу топтун башчысы, Бажы кызматынын төрагасынын мурунку орун басары Райымбек Матраимовдун бошотулушу таңкалычтуу жана көңүл калтыраарлык иш экендигин ачыктады. АКШнын Мамлекеттик департаменти жана Каржы министрлиги Матраимовду Кыргыз Республикасынан кеминде 700 миллион доллар адалдалдоо, коррупциялык бажы схемасына катышкандыгы үчүн Магнитский тизмесине киргизилип, визалык санкцияларга кабылгандыгын дагы эскертти.

Айтмакчы, Кыргыз Республикасы Бажы кызматынын төрагасынын мурунку орун басары Райымбек Матраимовдон өндүрүлгөн каражаттарды саламаттыкты сактоо, билим берүү, айыл чарба жана пенсия төлөө сыяктуу маанилүү багыттарга жумшай алмак. Америка Кошмо Штаттары Матраимовдун кылмыштуу мүлкүн чет өлкөдө тоңдуруп, Кыргыз элине кайтарып берүү аракеттерин дагыле улантууда. Уюшкан кылмыштуулукка жана коррупцияга каршы күрөшүү боюнча АКШ менен Кыргызстандын укук коргоо органдарынын кызматкерлери ортосундагы кызматташтык ырааттуу улантылууда.

Ал эми Райымбек Матраимовго байланыштуу айтыла турган болсо, АКШ Кыргызстандын укук коргоо органдары менен биргеликте Матраимовго таандык Казыналыктын Тышкы активдерди контролдоо бөлүмүнүн талаптарына ылайык тоңдурулуп калышы мүмкүн болгон мүлктү жана каржылык кызыкчылыктарын аныктоо боюнча кызуу иштеп жатат.

Айтмакчы, 2019-жылы АКШ тарабынан Максим Бакиевдин 4,5 миллион доллар өлчөмүндөгү коррупциялашкан акчасын кайтарып берүү АКШнын коррупцияга каршы күрөшүү жана уурдалган мүлктү Кыргыз элине кайтарып берүү боюнча милдеттенмесинин далили болуп келет.

Алишер ТОКСОНБАЕВ, өз кабарчы