Аймак

БАТКЕНДЕ МЕКТЕП ОКУУЧУЛАР МУШТАШЫП, ҮЧ БАЛА ООР АБАЛДА ООРУКАНАГА ЖЕТКИРИЛДИ

БАТКЕНДЕ МЕКТЕП ОКУУЧУЛАР МУШТАШЫП, ҮЧ БАЛА ООР АБАЛДА ООРУКАНАГА ЖЕТКИРИЛДИ

 1,443 Бардыгы /

БАТКЕН. Баткен районунда мектеп окуучуларынын арасында массалык түрдө мушташ болду. Бул окуянын видеотасмасы социалдык тармактарга дагы ыкчам жайылтылды.

Ошентип, 8-класстын балдары менен 10-класстын балдары өз ара мушташышкан. Мунун кесепетинен үч бала оор акыбалда ооруканага жеткирилди. Таратылган видеотасмада отуздан ашуун өспүрүм бала бири-бирин аоёсуз уруп-тепкилеп жаткандыгы ачык эле көрүнүп турат.

Баса, Баткен районунун Кара-Бак айылындагы Бото Нарматов атындагы  орто мектебиндеги  окуучулардын массалык мушташы боюнча окуяны, Кыргыз Өкмөтүнүн Баткен облусундагы  ыйгарым укуктуу Өкүлү Өмүрбек Суваналиев жеке көзөмөлүнө алды. Облус жетекчиси аталган окуя боюнча ыйгарым укуктуу өкүлдүн орун басары Эрлан Сапарбаевге атайын комиссия түзүп, окуянын чоо жайын терең териштирүүнү милдеттендирди.

Соңунда Кыргыз Өкмөтүнүн Баткен облусундагы  ыйгарым укутуу Өкүлү Өмүрбек Суваналиев ошондой эле окуянын келип чыгуу себептерин так аныктоо, коомчулукта, өзгөчө мектеп окучуларынын арасында уруу-урууларга бөлүнүп, топтошуп мушташуу сыяктуу терс көрүнүштөргө мындан ары таптакыр жол бербөө, алдын алуу иш чараларын күчөтүү максатында тийиштүү жетекчилерге кечиктирилгис тапшырмаларды берди.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17