2,193 Бардыгы /

 Рактын акыркы стадиясы менен жабыркаган жаранды айыктырдым. Боордун цирроз оорусу менен ооруган жаранды дарыладым. Бул тууралуу бүгүн, 22-апрель күнү АКИпресс-Ошто өткөн маалымат жыйында табып Рахматулла Сулайманов билдирди.

Анын айтымында, дарыгерлер айыктыра албаган жарандарды айыктырган. Ошондуктан 3 жыл мурун элдик табыптардын иштөөсүнө бөгөт коюу боюнча мораторийди алып салуу керек.

«2017-жылы 4-апрелде №203 токтомдо элдик медицинанын иштешине убактылуу тыюу салынган. Бул токтомду коррупциялык топ оорулуу адамдардын чөнтөгүн кагып, баюу максатында түзгөн деп эсептейм. Элдик медицинада рактын жумшак шишиктери, ашказан, жоон ичеги, жыныстык органдагы рактын айрым түрлөрүн, гепатит С, цирроз жана оорунун дагы башка түрлөрүн операциясыз, химиялык дарылоосуз эле толук жана кыска мөөнөттө айыктырса болот. Мисал катары айтсам мен 7 күндүн ичинде бир жаранды дарыладым. Ал рак менен жабыркап, химиялык дарылоо ыкмасы да жардам берген эмес. Аны айыктырдым. Ал жарандын айыкканын угуп дагы бирөө келди. Аны да кыска мөөнөттө эле айыктырдым.

Урматтуу президент Садыр Нуркожоевич, мен сизден Саламаттык сактоо министрлиги тарабынан менин рак, гепатит-с, цирроз дагы башка оңойлук менен айыкпаган ооруларды операциясыз, химия терапиясыз айыктыруу боюнча жөндөмүмдү тиешелүү уюмдар аркылуу текшерип, биринчиден мага лицензия берүүңүздү, экинчиден онкологиялык оорукананын бир корпусун медперсоналдары менен кошуп бөлдүрүп беришиңизди буга чейин сурангам.

Уу коргошун боюнча айтсам, аны элдик медицинада колдонууда өзүнүн жол-жобосу бар. Ал ар бир оорулууга өзүнчө рецепт менен берилет», – деди Сулайманов