2,616 Бардыгы /

25-апрелде АКШнын Жексонвилл шаарындагы “VyStar Veterans Memorial Arena” спорттук аренасында UDC 261 турнири өтөт. Бул турнирде белгилүү кыргыз мушкери Валентина Шевченко бразилиялык Жессика Андрадеге каршы 5-ирет чемпиондук наамын коргойт.

Атаандаш ким?

Жессика Андраде 1991-жылы 25-сентябрда Бразилиянын Парана штатындагы Умуарама шаарында төрөлгөн. Ал агасы Фернандо менен жаш кезинде Бразилияда өспүрүмдөргө иштөөгө тыюу тыюу салынганына карабай, ата-энесине жардам берүү максатында балык чарбасында иштешкен. Андан кийин дарыканаларга дары жеткирип иштеген. Ошол эле учурда ал футбол менен алектенип, профессионал футболчу болууну каалаган. Ага Сан-Паулудагы клубдардын биринин көзү түшкөн жана ата-энеси аны Сан-Паулуга жиберүүдөн баш тарткан. Окуучу кезинде ал дзюдо, Жиу-житсу менен машыккан.

Кандай ийгиликтерди багынткан?

UFC уюму менен келишим түзгөнгө чейин Андраде ММА уюмунда жалпы 11 беттеш өткөрүп, анын 9унда жеңүүчү аталса, 2 ирет жеңилген. UFC уюмунда эң алгач 2013-жылы дебют жасап, анда америкалык мушкер Лиз Кармушка техникалык нокаут менен жеңилген. Экинчи беттешин ушул эле жылы франциялык Рози Секстон аттуу мушкерге каршы өткөрүп, калыстардын чечими менен жеңишке жеткен.

2019-жылдын 11 майында өткөн UFC 237 турнирнде жеңил салмактагы чемпиондук кур үчүн беттеште ал америкалык мушкер Роуз Намаюнас менен кез келип, атаандашын беттештин экинчи бөлүгүндө нокаут менен жеңишке жеткен. Бул жеңиши үчүн ал “Кеченин мыкты беттеши” жана чемпиондук наамды алып келген.

Бирок, чемпиондук наамын биринчи коргоо турниринде эле эле чемпиондук наамынан ажыраган. Ал ушул турнирде кытайлык Вейли Чжанга беттештин биринчи бөлүгүндө эле техникалык нокаут менен жеңилип калган.

Андраде карьерасында жалпы 29 беттеш өткөрсө анын 21инде жеңүүчү аталып (8и нокаут менен), 8ирет жеңилүү ызасын тарткан.

Валентина Шевченко жөнүндө эмне деди?

Ал MMA Fighting басылмасына алдыдагы боло турган беттеши тууралуу берген маегинде, Валентина Шевченко анын карьерасындагы эң мыкты мушкер экенин айтты.

“Валентина Шевченко – UFCнин мыктысы. Мен ар дайым октагондо аны менен беттешким келчү. Анткени мен мыктылар менен атаандашкым келет. Мен буга чейин көптөгөн мыкты мушкерлер менен беттешкем, бирок менимче, Валентина мыктылардын мыктысы!

Ал сегиз бурчтукта дайыма мыкты беттештерди тартуулап келет. Ал негизи эле UFC уюмунун э мыкты мушкери”, – деген.

www.