1,677 Бардыгы /

Сузак РИИБдин жашы жете электер менен иштөө инспекциясынын инспекторлору ЖКККБнын кызматкерлери менен биргеликте, Сузак  районунун 92 билим берүү мекемелеринде “Милициянын жаш жардамчысы” отряддарын түзүшкөн , андагы милициянын жардамчысы болом деген жаш өспүрүмдөрдүн саны 1100дөн ашты.

Милициянын жаш жардамчылары жаш өспүрүмдөрдүн жол транспорт кырсыгына кабылуусун алдын алуу, жол эрежесин сактоодо, алдын алууда ЖКККБнын кызматкерлеринин кызмат өтөөсүндө райондун аймагындагы жол эрежесин бузган айдоочуларга карата жаш өспүрүмдөр эскертүү беришип, айдоочууларга жолдо жүрүүдө жаш өспүрүмгө мамиле кылууда өздөрүнүн ойлорун билдиришип, РИИБдин ЖКККБнын,  ЖИИнин кызматкерлерине жардам беришип, алдын алуу,  түшүндүрүү иш-чараларын биргеликте жүргүзүшүүдө.

Андан  сырткары, жаш өспүрүмдөрдүн арасында эрте никеге турууну, кыз ала качууну, зордук-зомбулукка кабылууну алдыналуу максатында райондогу жалпы билим берүү мекемелеринин 8-11 класстарынын кыздары арасында РИИБдин ЖИИнин кызматкерлери, райондук прокуратура органдарынын, билим берүү бөлүмүнүн кызматкерлери менен биргеликте алдыналуу жана түшүндүрүү иш-чаралары өткөрүлүүдө.

Ошондой эле, Сузак РИИБдин милициянын көчмө кабылдамасы менен жергиликтүү бийлик органдары, жаштар жана аялдар комитеттери, аксакалдар соттору менен биргеликте райондун аймагында кылмыштуулуктун алдын алуу, коомдук тартипти жана жарандардын коопсуздугун камсыз кылуу максатында түзүлгөн графиктин негизинде кызмат өтөшүп келишүүдө. Милициянын көчмө кабылдамасы 2021-жылдын 4 айында аймактарга 42 жолу чыгып, ар кандай маселелер боюнча жалпы 54 жаранды кабыл алып, жарандардын түшкөн арыз-даттануулар жана кайрылуулар боюнча тийиштүү органдарга жөнөтүлүп, жарандардын көйгөйлүү маселелери өз убагында жеринде чечүүгө көмөк көрсөтүлүп,  арыз ээлерине жооптору берилип келинүүдө. Белгилей кетсек, милициянын көчмө кабылдамасынын жардамы менен райондун алыскы айылдарында жашаган жарандарды кабыл алууда, арыз-доолорун жеринде чеүчүүгө чоң салым берип келүүдө.