684 Бардыгы /

         БАТКЕН. Кыргыз Өкмөтүнүн Баткен облусундагы ыйгарым укуктуу Өкүлүнүн орун басары Эрлан Сапарбаев Кыргыз-Тажик чек арасындагы окуяда жараат алган жарандардан кабар алды. Облус жетекчисинин рпуе басары Баткен облустук биргелешкен ооруканасында дарыланып жатышкан бейтаптардын ар бири менен баарлашып, тез сакайып кетүүсүн каалоо менен, алардын саламаттыгын калыбына келтирүү үчүн мамлекет тарабынан бардык жардамдар көрсөтүлөөрүн дагы убадалады.

Белгилей кетчү жагдай: Кргыз-Тажик чек арасындагы кагылышуудан облуста жалпы 179 жаран ар кандай жараат алып, анын 33 каза тапты. Маркумдардын үчөө аскер кызматкери болсо, калганы – жергиликтүү тургундар. Ушул тапта жалпысынан 88 жаран ооруканаларда дарыланып жатыша. Ал эми 56 жаран Бишкек шаарында, 32 жаран облустук жана аймактык ооруканаларда дарыланышса, калганына амбулатордук жардам көрсөтүлдү. Жаралангандар бардык керектүү медициналык каражаттар менен камсыз этилди.

Бейтаптарга медициналык жардам көрсөтүү үчүн Баткен облусуна, өлкөнүн бардык аймактарынан 70ке чукул дарыгерлер келишкен.

ЧЕК АРАДАГЫ ОКУЯДАН КИЙИНКИ КАЛЫБЫНА КЕЛТИРҮҮ ЖУМУШТАРЫ КЫЗЫДЫ

БАТКЕН. Аймакта чек ара чырынын кесепетинен келтирилген чыгымдарды аныктоо боюнча атайын комиссия ишин дагыле улантууда.  Алдын ала алынган маалыматтарга караганда, облуста жалпы 104 турак үй, 2 мектеп, 1ФАП, 1 бала бакча, 1 ИИМ имараты, 3 чек ара заставасы, 10 май куйуучу жай, 8 дүкөн күйүп кеткен.

         Кыргыз Өкмөтүнүн Баткен облусундагы ыйгарым укуктуу Өкүлү Өмүрбек Субаналиевдин чек арадагы болуп өткөн окуядан кийинки калыбына келтирүү жумуштарын жүргүзүү боюнча буйругуна ылайык, өрттөлүп, таптакыр жараксыз абалга келген турак үйлөрдүн калдыктарын тазалоо, калкттуу конуштарды электр энергиясы менен камсыздоо, сугат суу, таза суу линияларын калыбына келтирүү иш аракеттери кызуу жүрүүдө.

Болуп өткөн кайгылуу коогалаңдан Баткен районунун Ак-Сай, Самаркандек, Ак-Татыр, Кара-Бак Айыл Өкмөттөрүнүн бир катар айылдары жана Лейлек районунун Кулунду, Жаңы-Жер Айыл Өкмөттөрүнүн дагы далай айылдары эпсиз жабыркады.

ЧЕК АРАДАГЫ СҮЙЛӨШҮҮЛӨР АЯКТАДЫ. ЭМИ ТАРАПТАР АЙМАКТАН БАРДЫК АСКЕРЛЕРИН ЧЫГАРЫП КЕТИШЕТ

БАТКЕН. УКМКнын төрагасы Камчыбек Ташиев жана Кыргыз Өөкмөтүнүн Баткен облусундагы ыйгарым укуктуу Өкүлү Өмүрбек Субаналиев, УКМКнын чек ара кызматынын башчысы Уларбек Шаршеев Тажикстан тарап менен кызыл-чеке сүйлөшүүлөрдөн кайтып келишти.

• Биз нейтралдуу аймакта, Кызыл-Бел өткөрмө бекетинде жолуктук.

Ал жерде УКМКнын башчысы, Согдий облусунун губернатору жана чек ара кызматы Тажик тарапта болчу. Бүгүн биз бардык аскерлерди чыгарып кетүүнү чечтик. Биз мамлекеттик чек ара тилкесинен Баткенге келдик, алар алысыраак. Мындан тышкары жакынкы күндөрү биз мамлекеттик чек ара көйгөйлөрүн сөзсүз түрдө чечип, демаркациялоо жана делимитациялоо иштерин жүргүзүп, зымдарды токтоосуз орнотобуз! – деди УКМКнын төрагасы Камчыбек Ташиев.

Камчыбек Ташиевдин айтымында, Тажикстан Ворухка коридор ачып, электр энергиясын анклавга туташтырууну суранган. Бирок, бул маселе дагы өзүнчө талкууланат.

WWW.