1,668 Бардыгы /

Жалал-Абад

2021-жылдын 6-майында К.Ш. Токтомаматов атындагы Эл аралык университеттин чоң жыйындар залында 9-май – Улуу Ата Мекендик согушта жеңиш күнүнө арналган майрамдык концерт өткөрүлдү.

Концертти ЭАУнун философия жана табигый илимдер кафедрасы менен Маданий-эстетикалык борбору уюштурушту. Аталган концерттин программасында согуш мезгилиндеги ырлар, тарыхый окуяларды сахналаштыруулар болуп, аткаруучулар согуш мезгилиндеги аскердик кийимчен чыгышты. Бардык концерттик номерлер ЭАУнун профессор-окутуучулар курамы жана студенттери тарабынан аткарылды.

ЭАУнун ректораты жана агай-эжекелери, студенттери концертти абдан жылуу кабыл алышып, концерттин мазмундуулугуна, тарыхый окуялардын чыгармачылык менен чагылдырылышына, деги эле даярдык деңгээлине жогорку баа беришти. Концерттин соңунда ЭАУ ректораты жана агай-эжекелери майрамдык иш-чаранын уюштуруучуларына жана катышуучуларына терең ыраазычылык билдиришти, Өзгөчө ыраазычылыктар ЭАУнун Үзгүлтүксүз ачык билим берүү институтунун директору, т.и.к., проф. Ж.А. Дүйшеевге, философия жана табигый илимдер кафедрасынын башчысы, т.и.к., доц. Н.С. Мырзабаевага, Маданий-эстетикалык борбордун директору М.А.Гайымовго жана ырчы студентибиз Шахра Темиркуловага айтылды.

Жеңиш майрамыңыздар менен, урматуу мекендештер!