Аймак

ООГАН НАРКОБАРОНДОРУ БОРБОР АЗИЯДА ДЕСТАБИЛИЗАЦИЯ УЮШТУРГАНГА АБДАН КЫЗЫКТАР

ООГАН НАРКОБАРОНДОРУ БОРБОР АЗИЯДА ДЕСТАБИЛИЗАЦИЯ УЮШТУРГАНГА АБДАН КЫЗЫКТАР

 792 Бардыгы /

         Абройлуу адистердин баамында, акыркы жылдарда НаркоБарондор Ооганстан талааларында маңзат өндүрүүнү ашкере көбөйтүштү. Бул кебетесинде алар мындан ары Борбор Азия чөлкөмүндөгү өз таасирин ого бетер арттыруу максатында ар кандай өңүттөгү дестабилизация (массалык башаламандык) уюштуруудан дагы кайра тартышчудай түрү жок!

  • Ооганстан НаркорБарондору акыркы мезгилде аталган өлөкөдө

маңзат өндүрүрүү көлөмүн эбегейсиз көбөйтүштү. Мунун артында Дүйнөлүк чоң күчтөр, мындайча айтканда, мафия тургандыгын жашыруунун эч кажети жок! – деп тызылдады Эл аралык абройлуу жалпыга маалымдоо каражаттары аркылуу ЕвроБиримдик Уюмунун атайын өкүлү Пьер МОРЕЛЬ. – Анткени, чөлкөмдөгү таасир талаш жана маңзаттын ири партиясын чет өлкөлөргө тоскоолдуксуз гана ташуу ниетинде ашынган күчтөр Борбор Азия чөлкөмүндө массалык башаламандык уюштуруудан дагы кайра тартышчудай эмес! Ошону үчүн Борбор Азия ресупбликаларынын Президенттери ич ара тирешпестен, тескерисинче, муназага келишип, өз чек араларын чукул арада кыдырата бекемдөөгө гана тийиш!

         Мындай демилгени Борбор Азиядагы наркосаясат борборунун директору, тарых илимдеринин кандидаты, полковник Александр Зеличенко дагы бекем кубаттайт.

  • Жашырып не. Кыргызстан маңзат үзгүлтүксүз өндүрүлгөн

Ооганстанга абдан эле жакын жайланышкан. Ошону үчүн Тажикстан жана Кыргызстан аркылуу маңзаттын ири партиясы байма-бай ташылып турат, – деди Борбор Азиядагы наркосаясат борборунун директору, тарых илимдеринин кандидаты, полковник Адександр Зеличенко. – Мындайча айтканда, биздин өлкөбүз Борбор Азиянын нарокоридоруна эбак айланган. Баткендеги Кыргыз жана Тажик чекарачыларынын, ошондой эле жай тургундарынын каршылашуусунун башкы себебин дагы  дал ушундан издегенебиз оң. Жер-жерлерде ашынган радикалдар чоң-кичине жаңжалдарды, андан ары ири террактыларды үстөккө-босток уюштурууга жөндөмдүү. Ошондуктан, ЖККУ, ШКУ жана КМШ өлкөлөрүнүн аскерлери Кыргызстанда жана Тажикстанда аскердик машыгууларын көбүрөөк өткөрүүсү абзел! Дагы кайталаймын: Борбор Азия, айрыкча Кыргызстан – наркотарфик, контрабанда, мыйзамсыз миграция өңдөнгөн жосунсуз жоруктардын тогошкон чекити. Азыркы Кыргыз бийлиги жогорудагы арам ойлуу аракеттерди ар тарабынан бууп таштады эле. Көрдүк го, сырткы күчтөр акыркы күндөрдө Кыргыз-Тажик чекарасында куралдуу кагылышууларды жана массалык башаламандыкты дароо уюштуруп ийишпедиби…

Дагы өкүнүчтүүсү: Кыргызстанга жыл сайын канча көлөмдөгү маңзат кирип-чыгып жаткандыгы туурасында дагыле так маалымат жок. Кендирибизди кесип келаткан Түндүк машруту (багыты) Ооганстан-Тажикстан-Кыргызстан заманбап технология менен жабдылган. Мисалы, маңзат ташыгандар Messenger (Skype, Whatsapp) аркылуу үзүлтүксүз иштешет. Булар, чындыгында, бири-бирин таптакыр таанышпайт. Бирок, интернет аркылуу тынбай SMS жазышып турушат. Биринчиси “Товар бул жерге катылды”- десе, экинчиси электрондук капчыкка (Web Money) сураган акчасын дароо которуп коет. Бирок, муну ар тараптуу иликтөө өтө кыйын. Кылмышкер факты үстүндө кармалбагандан кийин, аны кантип далилдейсиң? Ошондуктан, мамлекеттер маңзат ташыгандар менен эмес, НаркоБарондор менен туруктуу күрөшүүгө тийиш!

  • Кыргызстандын саясий элитасы Борбор Азияга өлө кызыкдар

тышкы арам ойлуу күчтөр ар кандай кадамдарды, маселен, дестабилизация (массалык башамаландык), ошондой эле чек ара чырларын үстөккө-босток  уюштуруудан кайра тартпастыгын сөзсүз билишкени оң! – деди Ата Мекендик серепчи Марс Сариев. – Айтмакчы, күздөгү Жогорку Кеңеш шайлоосунда сырткы күчтөр абдан активдешет. Анан бара-бара бул таймаш – саясий күчтөрдүн өз ара тирешүүсү Борбор Азияны Дүйнөлүк гибрид согушунун плацдармына  айлантат. Тилекке каршы, Кыргызстан гибрид согушуна таптакыр даяр эмес! Курал-жарактарыбыз, ошондой эле аскердик техникаларыбыз бүт эски. Булардын баарын заман талабына жараша бүтүндөй жаңылаганыбыз оң! Ансыз тирешүүдө эч качан жеңишке жетпейбиз!

Баткендеги Кыргыз-Тажик каршылашуусу ушуну менен биротоло токтоп, бүтсө кана?!? Ата Мекендик серепчилер коңшу өлкө Кыргызстанга агрессиясын бара-бара азыркыдан беш бетер активдештирет деп коңгуроо кагып жатышат. Анда бул араздашуу – мамлекеттер аралык жаңжал кадимки согушка айланып, аны токтотуу азапка айланса, кантебиз?!?

Алишер ТОКСОНБАЕB

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17