1,410 Бардыгы /

Армениянын Коргоо министрлиги азербайжан куралдуу күчтөрү Сюник чек ара аймагында “айрым иштерди жасоого” аракет кылганын билдирди.

Маалыматка караганда, 12-майда азербайжандыктар Сев көлүнүн (Кара көл) аймагынан Армениянын чек арасына өтүп, Веришен калктуу конушун көздөй үч чакырымга чейин кирип келген. Бул тууралуу “Азаттыктын” армян кызматы билдирди.

Ар түрдүү интернет-булактар Ишханасар аймагында согуш жүрүп жатканы тууралуу маалымат таратышты. Сев көлү Сюник менен Тоолуу Карабактын чек арасында, Ишханасар тоо кыркасынын боорунда жайгашкан.

Армениянын Коргоо министрлиги согуш тууралуу кабарларды четке кагып, бирок Азербайжандын куралдуу күчтөрү “чек араны тактоо максатында” айрым иштерди жүргүзүүгө аракет кылганын белгиледи. Маалыматка караганда, армян аскерлери чара колдонгондон кийин азербайжандыктар бул ишти токтоткон. Ушул тапта абалды жөнгө салуу боюнча сүйлөшүүлөр жүрүүдө.

13-майда Армениянын премьер-министринин милдетин аткаруучу Никол Пашинян Коргоо кеңешинин жыйынын өткөрүп, Сев көлүнө жакын аймактагы кырдаал талкууланды.

Пашинян бул окуяны диверсиялык аракет катары баалады.

WWW.