1,581 Бардыгы /

Өзбекстандын Чирчик шаарында Эмгек кодексин бузганы үчүн «Водий саркор дизайн» компаниясынын башчысына айып пул салынды.

Иш менен камсыз кылуу жана эмгек мамилелери министрлигинин расмий билдирүүсүндө компания жетекчиси канча айып пул төлөй турганы көрсөтүлгөн эмес.

«Водий Саркор Дизайн» компаниясынын жетекчиси Хусанов Зиедулла Чирчик шаарындагы көп кабаттуу үйдүн курулушунда иштеп жаткан жумушчуларга өз убагында айлык төлөбөй келген. Өз кезегинде бул жумушчулардын нааразылыгын жараткан», – деп жазылган министрликтин билдирүүсүндө.

Мекеменин маалыматына караганда, Чирчик шаардык акимчилигинин кийлигишүүсүнөн кийин жумушчуларга 280 миллион сум (26,5 миң доллар) төлөнүп берилген. Компания айлык боюнча калган карызынан 18-майга чейин кутулушу керек.

Буга чейин социалдык түйүндөргө ондогон жумушчу Чирчик шаардык акимчилигинин алдына чогулуп, айлыктар өз учурунда берилбей жатканына нааразылык билдирип жатканы тартылган видеолор чыккан.

WWW.