2,061 Бардыгы /

Активист Шекербек Камчыбек уулу Аксы районунун Кашка-Суу айыл өкмөтүнүн башчысы болуп шайланды.

Кашка-Суу айыл өкмөтүнөн билдиришкендей, бүгүн, 7-июнда айыл өкмөт башчысын шайлоо өткөн. Анда Замирбек Баназаров менен Шекербек Камчыбек уулу ат салышты.

Сессияга келген 21 депутаттын тогузу З.Баназаровго добуш берсе, 12 депутат Ш.Камчыбек уулуна добуш берди.

Шекербек Камчыбек уулу активист катары таанымал.

Өмүр баяны:

Шекербек Камчыбек уулу 1982-жылы Кашка-Суу айыл өкмөтүнүн Чеч-Дөбө айылында туулган. 1999-2005-жылдары Жалал-Абад мамлекеттик университетинин социалдык-гуманитардык илимдер факультетинде билим алып, тарых мугалими адистигин алып чыккан.

Эмгек жолу:

– 2002-2011-жылдары У.Турдубаев атындагы орто мектебинде тарых мугалими;

– 2008-2011-жылдары АРИСтин маалыматтык борборунда оператор;

– 2011-2013-жылдары Аксы райондук жаштар кеңешинин төрагасы;

– 2012-2020-жылдары Кашка-Суу айылдык кеңешинин депутаты;

– 2018-2020-жылдары Аксы райондук мамлекеттик статистика бөлүмүндө эл жана турак жай фондун каттоо боюнча өкүл болуп иштеген.

4 баланын атасы.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.

WWW.