1,260 Бардыгы /

ОШ. Кыргызстандын Түштүк башкалаасында 8-июндан тартып Алишер Навои атындагы мектептин спорт залында коронавируска кабылгандарды тейлеген күндүзгү стационар иштей баштады.  Анда 30 кишилик орун даярдалган.

• Күндүзгү стационарлар кайрадан ачыла баштады. Анткени, Ошто

коронавируска байланыштуу абал улам оорлошуп баратат. Шаардагы жугуштуу оорулар ооруканасында бүгүнкү күнгө карата 142 адам дарыланып жаткан чагы. Булардын арасынан сегизи өтө оор, 94ү оор, калганы орто акыбалда. Ошондой эле бир киши бүгүн каза тапты, – деди Ош шаардык мэриясынын басма сөз катчысы Азамат Абсаттаров.

Ошентип, Ош шаарында коронавирус боюнча мобилдик бригадалардын саны дагы көбөйтүлөт. Буга дейре үч топ иштеп келсе, мындан ары дагы буларга үчөө кошулат. Ал эми Кыргызстанда соңку бир суткада COVID-19 илдетинен жети киши каза тапты. 379 адамдан жаңы аныкталды.

Алишер ТОКСОНБАЕВ