639 Бардыгы /

         ЖАЛАЛ-АБАД. Кыргызстандын энергетикалык тутуму чоң коркунучта экендигин Улуттук энергетикалык холдингдин башчысы Бакыт Сыдыков акыры аргасыздан жар салды.

• Эгерде биз дал азыртан кырдаалды турукташтыруу боюнча
• чечкиндүү жана чукул чараларды көрбөсөк, анда Кыргызстандын энергетикалык тутуму кыйрап, Токтогул ГЭСи токтоп калышы дагы толук ыктымал! – деп коңгуроо какты Улуттук энергетикалык холдингдин башчысы Бакыт Сыдыков.

Бакыт Сыдыковдунайтымында, бүгүнкү күндө энергетика тармагындагы кырдаал абдан эле оор деп бааланууда. Бул Токтогул суу сактагычындагы суунун көлөмүнүн аздыгы, ички керектөөнүн бара-бара өсүүсү, көмөкчү чордондорго абдан күч келип жаткандыгы жана Токтогул ГЭСиндеги бардык жабдуулардын ушул тапта канааттандыраарлык эмес, эски абалы менен байланыштуу болуп жатат.

• Ушундан улам узакка созулган социалдык-экономикалык кризиске

кабылышыбыз дагы толук ыктымал! Акыркы жылдары жүргүзүлүп жаткан тармакты экономикалык жөнгө салуу саясаты кырдаалды ого бетер курчутту. Танып не. Суу-энергетикалык чөйрөсү абдан оор жана мышык ыйлагыдай акыбалда. Токтогул ГЭСи ушул тапта экстремалдык режимде – шартта гана аргасыздан иштеп жатат, – деп кошумчалады Улуттук энергетикалык холдингдин башчысы Бакыт Сыдыков.

Апей! Эгерде Токтогул ГЭСи токтоп калса, Кыргызстандын энергатикалык тутуму чоң коркунучка кабылаарын Кыргыз Өкмөтү билип туруп, неге үн катпайт, ыя? Эмне, кыштын келишин жана ызгаарда элдин тоңушун күтүп жатышабы?

БАТКЕНДЕГИ СЕЛ ИЧКИ ЖОЛДОРДУ ЖУУП КЕТТИ

БАТКЕН. Баткенде акыркы күндөрдө жамгыр нөшөрлөп жаап, кадимкидей сел жүрүп, а түгүл ички жолдорду жууп кетти. Бул жөнүндө Өзгөчө кырдаалдар министрлигинен билдиришти.

Маалыматка караганда, акыркы күндөрдө Баткен районунун Суу-Башы жана Ак Татыр Айыл өкөмөттөрүндө нөшөрлөп жааган жамгырдын кесепетинен сел жүрүп, Кара-Токой айылынын болжол менен 150 метр ички чарбалык жолдорун, ошондой эле Үч-дөбө айылындагы ички чарбалык жолдорду сел суулары жууп кетти.

Ошондуктан, кырсыктын кесепеттерин тактоо иш-чаралары жүргүзүлүп жатат. Ал эми азыр сел каптаган аймактарыв тазалоо иш-чаралары күчөтүлдү.

WWW