1,143 Бардыгы /

22-июнда Семей шаарында Semey Bus автопаркынын жумушчулары кайрадан каттамдарга чыккан жок.

– Биз соттон утулуп калдык. Демек, жумушчуларга пенсия топтомдорун төлөп беришпейт жана паркты жабышат. Ошондуктан жумушчулар иш таштоо уюштурушту, – деди автопарктын маалымат катчысы Айнура Сабитова.

Шаардык акимчилик бул боюнча комментарий берген жок.

Өткөн жума күнү “Казакстан өнүктүрүү банкынын” туунду уюму эсептелген “Өнөр жайды өнүктүрүү фонду” менен Semey Bus автопаркынын соту болгон. Сот насыяга алган 170 автобусту кайтарып берүү боюнча өкүм чыгарган.

Автопарк “Өнөр жайды өнүктүрүү фонду” менен 2018-жылы лизингдик келишим түзгөн. 2020-жылы парк банкка 1,5 миллиард карыз болуп калган. Насыяга алган автобустардын көбү бир жылдан кийин эле ремонтко муктаж болуп турат.

2021-жылы 15-мартта экономикалык дефолт жарыялоо жөнүндө чечим чыккан. Анда автопарк автобустарды өз ыктыяры менен кайтарып берүүдөн баш тарткан. Мындан соң соттук териштирүү башталган.

Semey Bus автопаркынын 49% акциясына Семей шаардык акимчилиги ээлик кылат.

WWW.