1,008 Бардыгы /

Поделиться

 Print

Орусия өкмөтү мээге микрочиптерди орнотуу программасын өнүктүрүүгө 54 миллиард рубль бөлүүнү пландоодо. “Мээ, саламаттык, интеллект, инновация” федералдык программасынын долбоорун билим берүү жана илим министрлиги иштеп чыккан.

Аны орус президенти Путин колдоого алды. Долбоорго кызынын тиешеси болушу ыктымал.

“Коммерсантъ” гезити жазгандай, долбоор тышкы жабдууларды мээдеги электр сигналдарынын жардамы менен башкара турган нейроинтерфейстер технологиясын өнүктүрүүнү камтыйт.

Маселен, учак, автоунаа жана атомдук электростанцияларын башкаруу үчүн “киши-техника” интерфейстерин түзүү пландалган.

Буга чейин ЖМКлар жасалма интеллектке байланыштуу долбоорлорду Путиндин кызы Катерина Тихонова жетектеши ыктымал экенин жазышкан.

2018-жылы ал биринчи жолу мамлекеттик телеканалда “Иннопрактика” институту жөнүндө сюжетте элге көрүнгөн. Фондду Тихонова жетектейт. Материалда мээнин электр сигналдарын көзөмөлдөө менен адамдын аң-сезимин программалоого жол ача турган технология жөнүндө айтылган.

Нейроинтерфейстер технологиясын иштеп чыгуу – дүйнөлүк илимде перспективдүү багыт. 2021-жылы апрелде бул тармактагы өз технологиясын Илон Масктын Neuralink стартабы ачыкка чыгарган. Ал мээсине чип орнотулган маймылдын классикалык Pong оюнун ойноп жатканын көрсөткөн.

WWW.