1,344 Бардыгы /

ЖАЛАЛ-АБАД. Сузак районунун аймагында жашаган ички иштер органдарынын 2 ардагерине Кыргыз Республикасынын ИИМдин “Кыргыз милициясына 95 жыл” юбилейлик медалдары тапшырылды. Жалал-Абад ОИИБдин басма сөз кызматы маалымдагандай, ардагерлер милициянын отставкадагы улук лейтенанты Аманбай Мурзакимов жана милициянын отставкадагы старшинасы  Парпибай Рахманалиев.

70 жашка толушкан ардагерлерге юбилейлик медалдарды Жалал-Абад ОИИБдин Ардагерлер кеңешинин төрагасы, милициянын отставкадагы полковниги Капарбек Исаков, Сузак РИИБдин Ардагерлер кеңешинин төрагасы, милициянын отставкадагы майору Сүйөркул Бакиров тапшырышты. Сыйлык ээлерин куттукташып, бекем ден соолукта болуусун, дөөлөттү карылыктын доорун сүрүп, уул-кыздын сый-урматында жүрүүлөрүн тилешти. Ошондой эле алардын мазмундуу басып өткөн жолдору айтылып, милицияда топтогон тажрыйбасын жаш кызматкерлер менен бөлүшүү керектиги белгиленди.