1,692 Бардыгы /

ЖАЛАЛ-АБАД. Кош-Дөбө айыл өкмөтүнүн жаңы шайланган башчысы эмгек жамаатка тааныштырылды

Аксы районунун мамлекеттик администрациясынын башчысы-аким З. Сыдыков Кош-Дөбө айыл өкмөтүнүн жаӊы шайланган башчысы Кадыркулов Чынарбек Анаркуловичти Кош-Дөбө айыл өкмөтүнүн эмгек жамаатына тааныштырып, кызматтык күбөлүгүн тапшырды.

Ошонун менен бирге эле жыйынга чогулган активдин бүгүнкү күндөгү айыл аймактын аймагындагы кээ бир орчундуу маселелери боюнча суроолоруна жооп берип, социалдык мекемелердеги көйгөйлөр менен жерине барып таанышты.

Ошондой эле №33 А. Сулайманкулов атындагы Торук мектебинин бүгүнкү абалынан кабар алды. Эгемендүүлүктүн алгачкы жылдарында “ашар” ыкмасы менен курулган бул мектептин кээ бир корпустары чоӊ капиталдык ремонтко муктаж экендигине күбө болуу менен тиешелүү иш кагаздарын даярдоону, бул маселеге олуттуу көӊүл бөлүүнү жаӊы шайланган айыл өкмөт башчысына тапшырды.