1,140 Бардыгы /

ЖАЛАЛ-АБАД. Аксы районунун мамлекеттик администрациясынын башчысы-аким З. Сыдыков Үч-Коргон айыл өкмөтүнүн жаӊы шайланган башчысы Эркинов Талантбек Эркиновичти Үч-Коргон айыл өкмөтүнүн эмгек жамаатына тааныштырып, иштерине ийгилик каалоо менен бирге, кызматтык күбөлүгүн тапшырды.

Үч-Коргон айыл өкмөтүнүн активи менен болгон жолугушууда эмгек жамаатынын кѳйгѳйлүү маселелери боюнча берилген суроолорго жооп берип, айыл өкмөттүн аймагында жайгашкан №42 Т. Сатылганов мектебинин бүгүнкү күндөгү абалы менен таанышты.

Ошондой эле сапардын жүрүшүндө райондун акими райондук дарыгерлердин практикалык борборунун Үч-Коргон айыл аймагындагы бөлүмүнүн бүгүнкү күндөгү абалынан кабар алып, ооруканага кошумча курулуп бүтпөй турган 36 орундуу терапия бөлүмүнүн имаратын толук бүтөөрүү иштерин алып барууну жаӊы шайланган айыл өкмөт башчысы Т. Эркиновго тапшырды.

Үч-Коргон айыл өкмөтү райондун аймагында дыйканчылыкка аябай ыӊгайлуу, техникалык жана бакча өсүмдүктөрү эрте бышып жетилген климаты ысык зона болуп эсептелгендиктен, калкты суугат суу менен камсыздаган Кызыл-Жар каналын тазалоо иштерине атайын техникаларды тартуу менен бул ишти колго алууну, дыйкандар арасында суугат сууга болгон муктаждыкты жаратпоону айыл өкмөт башчысы Т. Эркиновго милдеттендирди.