1,563 Бардыгы /

БӨЛӨК ПАСПОРТ МЕНЕН СТАМБУЛГА УЧКАНГА АРАКЕТТЕНГЕН ЖАРАН КАРМАЛДЫ

          БИШКЕК. Манас Эл аралык аба майданындагы “Манас-аэропорт” көзөмөл өткөрүү жайынын чек арачылары мамлекеттик чек араны мыйзамсыз кесип өтүүгө аракет кылган Кыргыз Республикасынын жаранын кармашты. Бул туурасында  Кыргыз Республикасынын Улуттук коопсуздук мамлекеттик комитетинин Чек ара кызматынын жалпыга маалымдоо каражаттары жана коомчулук менен байланышуу бөлүмүнөн кабарлашты.

Ошентип Бишкек-Стамбул рейсин каттоого алуу маалында 1979-жылы туулган Кыргызстандын Г.А, аттуу жараны чек ара кезметине 1977-жылы туулган А.Ж. аттуу жарандын паспортун көрсөткөн.  Текшерүү маалында паспорт аны көрсөткөн Г.А. аттуу жаранга таандык эмес экендиги аныкталды.   Андан маалымат алуу учурунда Туркияга учуп кетүү үчүн эжесинин паспортун колдонгондугун моюндады. Ал буга чейин Туркиянын миграция мыйзамдарын бузгандыгы үчүн аталган өлкөдөн чыгарылган экен.  

Соңунда тиешелүү иш-кагаздары толтурулгандан соң кармалган жаран мындан ары териштирүү иштерин жүргүзүү үчүн УКМКнын аймактык тарамдарынын кызматкерлерине өткөрүлүп берилди.

Алишер ТОКСОНБАЕВ, өз кабарчы